begga@mbl.is
„Það er svo furðulegt að hér er unnið og æft frá níu á kvöldin, þegar orðið er dimmt, og til eitt á næturnar. Hér er svo heitt að það er ekki hægt að gera neitt yfir daginn," segir Kolbeinn Jón Ketilsson óperusöngvari. Hann er staddur í Epidaurus í Grikklandi en í kvöld syngur hann í óperunni Medeu eftir Lugi Cherubini, en verkið er byggt á harmleik Evripídesar. Sýningin er helguð minningu ástsælustu óperusöngkonu Grikkja og einnar mestu dívu óperusögunnar, Maríu Callas. Vettvangur sýningarinnar er útileikhús frá fornöld Grikkja, Epidaurus-leikhúsið. "Árið 1961 var Medea flutt hér í Epidaurus og þá söng Callas hlutverk Medeu, en nú eru liðin þrjátíu ár frá dauða hennar. Leikhúsið var reist um 400 fyrir Krist; er það best varðveitta í Grikklandi og tekur 14 þúsund manns í sæti."
Sjá nánar í Morgunblaðinu í dag.