Er ekki bara best að senda Brynjar Má?

Tónlistarspekúlantar standa nú á gati gagnvart tónlistarsigrum Brynjars Más Valdimarssonar á vinsældalistum víða um heim. Hér á landi hefur Brynjar Már aðallega verið kenndur við hljómsveitina Snooze, þar sem hann stóð í fylkingarbrjósti ásamt rapppíunni Kristínu Ýr i Bjarnadóttur, en fyrir utan það hefur BMV, eins og hann vill láta kalla sig, verið fyrirferðarmestur sem útvarpsmaður á FM 95,7.

Nýjustu fréttir af BMV eru þær að hann stendur í dyragættinni að heimslista nokkrum, The World Chart Show, en eftir því næst verður komist safnar listinn saman vinsældalistum helstu útvarpsstöðva heims og hrærir í einn. Einhver sagði að best væri að flauta Laugardagslögin af og senda bara BMV.