Hvöt frá Blönduósi fær liðsauka: Auðunn Blöndal reimar á sig skóna
Setja bókamerki
„Ég átti fína spretti þegar ég var yngri. Spilaði bæði með Tindastóli og Skallagrími í fyrstu deildinni. Ég er ekki alveg skelfilegur,“ segir skemmtikrafturinn og sjónvarpsstjarnan Auðunn Blöndal.
Auðunn hefur gengið til liðs við knattspyrnulið Hvatar frá Blönduósi sem spilar í 2. deild í sumar. Auðunn spilar stöðu framherja eins og Egill Gillzenegger Einarsson sem hefur einnig gengið til liðs við Hvöt.
Vonar að sér verði fyrirgefið
„Ég vona að það verði ekki allt vitlaust,“ segir hann. „Það hafa nokkrir snillingar spilað bæði fyrir Hvöt og Tindastól, flakkað þarna á milli. Ég vona að mér verði fyrirgefið það.“
Auðunn hyggst æfa í Reykjavík ásamt Agli og nokkrum öðrum leikmönnum sem búa ekki á Blönduósi. „Ég er ekki að fara að flytja á Blönduós,“ segir Auðunn, sem kemur ekki til með að spila alla leikina utan höfuðborgarsvæðisins. „En ég stefni á að spila leikina á Króknum. Ég fer norður.“
Auðunn segist hafa skorað nokkur mörk á sínum yngri árum og telur sig hafa verið nokkuð efnilegan knattspyrnumann. „Ég veit ekki hvernig ég stend í dag, en ég hef skorað mörk í öllum deildum nema efstu.“
Jón Gunnarsson aftur á leið inn á þing
Hefði komið meira á óvart hefði hann tekið slaginn
Met sett í vinnslunni í október
Bjarni hættir á þingi og fer ekki í formannskjör
Tekur ekki ákvörðun á þessum tímapunkti
MDE tekur fyrir mál Gráa hersins
Er Þorgerður Katrín skuggaráðherra fjármála?
Tár féllu á þingflokksfundi