Veröld/Fólk | Veraldarfréttir | mbl | 2.5.2008 | 11:09

Fleiri sýklar á lyklaborði en klósettsetu

Fleiri sýkla er að finna á lyklaborði en klósettsetum í einhverjum tilvikum mbl.is/Árni Sæberg

Á sumum lyklaborðum er fleiri sýkla að finna en á klósettsetum samkvæmt nýrri rannsókn sem Ananovavefurinn greinir frá.

Í rannsókn sem neytendasamtökin Which? létu gera kom í ljós að á skrifstofu samtakanna í Lundúnum fundust sýklar á lyklaborðum starfsmanna sem geta valdið matareitrun. Af 33 lyklaborðum sem voru rannsökuð kom í ljós að á fjórum þeirra voru fleiri sýkla að finna en rýmast innan heilbrigðissamþykkta. Á einu lyklaborðanna voru sýklarnir fimm sinnum fleiri heldur en á klósettsetu hjá samtökunum. Fyrirskipaði örverufræðingur, sem rannsakaði skrifstofu Which? að lyklaborðið yrði fjarlægt af skrifstofunni og sótthreinsað.

Í frétt Ananova er haft eftir örverufræðingi við University College London sjúkrahúsið að óhrein lyklaborð sem fleiri en einn notar geti dreift sýklum á meðal fólks og valdið veikindum.

Fleira áhugavert

Fæðuöryggi: „Áttum mat í þrjár vikur“

Ekki hægt að slá gosið út af borðinu strax

Sendi nektarmyndir af dreng sem hann passaði

Formaðurinn útilokar ekki undirritun í kvöld

Félagsstarf »

Stjörnuspá »

Hrútur

Þú ert traustur vinur og þeir sem umgangast þig vita það og einnig að þú gleymir ekki því sem gert er á þinn hlut eða þinna. Skrifaðu bestu hugmyndirnar þínar niður og farðu eftir þeim.

síðasta vika