Colin Farrell kominn með nýja

Leikarinn Colin Farrell á að vera að hitta enska rithöfundinn Emmu Forrest. Sambandið hefur ekki farið hátt en þau eiga að hafa verið saman í sex mánuði. Farrell er víst svo hrifinn af stúlkunni að hann sleppir því að fara út á lífið og eyðir frekar kvöldunum með henni í rólegheitum heima.

Heimildir The Sun herma að Farrell sé nýr og breyttur maður. Áfengið hafi hann látið lönd og leið og nýtur lífsins á mun heilbrigðari hátt í faðmi Forrest.

Þau hafa haldið sambandinu leyndu svo þau gætu byggt það upp í ró og næði. Rithöfundurinn er mjög ólík fyrri ástkonum leikarans og er hann yfir sig ástfanginn af henni. Þau íhuga nú að hefja sambúð í Los Angeles fljótlega.

• 1 blogg um fréttina

Bloggað um fréttina

• Helga Guðrún Eiríksdóttir: She's a PhD in "I told you so" - You've …