Sannleikur Péturs Jóhanns

Grínlistamaðurinn góðkunni Pétur Jóhann Sigfússon hefur nú gengið til samstarfs við leikstjórann Stefán Jónsson og handritshöfundinn Sigurjón Kjartansson, en saman ætlar þríeykið að upplýsa landann um sjálfan Sannleikann. Samnefnt verk hefur göngu sína í Borgarleikhúsinu í kvöld og mætast þar agi leikhúsfræðanna og spuni spéfuglsins.

Pétur Jóhann segist hafa viljað fara á sveig við hefðbundið uppistandsform með þessu og búa til eitthvað nýtt, hafa þetta svolítið "töff og kúl" eins og hann orðar það. Ítarlegt spjall við Pétur Jóhann og Stefán verður að finna í Lesbókinni, auk þess sem rýnt verður í þróun íslenskrar fyndni í áranna rás.

• Blogga um frétt