Hótar að slíta Oasis

Breski tón­list­armaður­inn Liam Gallag­her seg­ir að hann muni slíta hljóm­sveit­inni Oasis ef Noel, bróðir hans, ger­ir sólópötu. Noel lýsti því ný­verið yfir að hann langaði til að gefa út sitt eigið efni en Liam seg­ir að fyrr muni Oasis hætta.

„Ég gæti gert það en ég vil ekki gera það. Ég er í Oasis, ef þú skil­ur hvað ég á við. En ef all­ir fara að gera sóló­plöt­ur er al­veg eins hægt að slíta hel­vít­is hljóm­sveit­inni,“ sagði Liam í viðtali um málið.

Greini­legt er að þeir bræður eru ekki bestu vin­ir um þess­ar mund­ir en Noel sagði ný­lega að lík­lega væru fimm ár í næstu plötu með Oasis og gaf þá ástæðu að Liam væri svo latur. Liam svaraði full­um hálsi og sagði að það versta við að vera í Oasis væri að vera í hljóm­sveit með „hel­vít­is bróður sín­um“.