Bankinn sem hvarf
Setja bókamerki
Útsmognir svikahrappar fóru nýverið illa með íbúa í Úganda, en þeir komu upp gervibanka við landamæri Úganda og Kenía og tóku við sparifé íbúa. Svo létu þeir sig hverfa.
Bankinn opnaði útibú í bænum Malaba og var opnunin auglýst í útvarpinu. Á tveimur mánuðum voru rúmar 12 milljónir kr. lagðar inn í bankann.
En þegar innistæðueigendurnir sneru aftur í bankann til að taka út féð voru bankastarfsmennirnir farnir og það eina sem var eftir var miði sem á stóð: „Því miður hefur bankinn verið færður á nýjan stað.“
Þá höfðu svikahrapparnir greitt fyrir mat, leigu og auglýsingar með innistæðulausum ávísunum.
Leigusalinn hússins, þar sem bankinn starfaði, trúði því að „bankastarfsmennirnir“ hefðu verið heiðarlegir einstaklingar.
„Við undirrituðum samkomulag, og þeir létu mig auk þess fá ávísun fyrir leigunni út árið,“ sagði Richard Ojore við BBC í Afríku.
Ísland er Evrópumeistari
Mikill viðbúnaður við Stuðla
„Skelfileg hungursneyð“ á Gasa
Var ekki kunnugt um bótagreiðslur
Varð brugðið þegar hún sá upphæðina
Þingmennirnir vilja halda sæti sínu
Líf mitt gjörsamlega hrundi til grunna