Jackson jarðsunginn í nótt
Setja bókamerki
Staðfest hefur verið að poppsöngvarinn Michael Jackson verði jarðsunginn í nótt að viðstöddum ættingjum hans og nánustu vinum, rúmum tveimur mánuðum eftir að hann dó.
Athöfnin fer fram í grafhýsi í Forest Lawn-kirkjugarðinum í Hollywood klukkan sjö e.h. að staðartíma, kl. tvö í nótt að íslenskum, og á að standa í 45 mínútur.
Fjölmiðlum og aðdáendum Jacksons verður ekki veittur aðgangur að athöfninni en talið er að söngkonan Diana Ross verði á meðal viðstaddra og að Aretha Franklin syngi.
Gert hafði verið ráð fyrir því að útförin færi fram á afmælisdegi Jacksons, 29. ágúst, en ákveðið var að fresta henni til að meiri tími gæfist til að undirbúa hana. Margir frægir leikarar hafa verið bornir til grafar í Forest Lawn-kirkjugarðinum, þeirra á meðal Humphrey Bogart, Errol Flynn og Clark Gable.
Víkingar komnir yfir 800 milljónir í greiðslur
Beint: Ný ríkisstjórn tekin við völdum
Ók á hóp fólks á jólamarkaði: Einn látinn
Var engin kristnitaka árið 1000?
Alvarleg netárás á Wise
Bjarni: „Útilokað að þetta geti gengið upp“
Forstjóri bendir á ábyrgð birgja vegna verðhækkana
