Halda banni við tyggjói

Stjórn Singapúrs kvaðst í gær ætla að halda til streitu átján ára banni við innflutningi og sölu á tyggigúmmíi.

„Stjórnin stendur við þá ákvörðun sína að banna tyggigúmmí,“ sagði aðstoðarráðherrann Maliki Osman á þinginu. „Tyggigúmmí hefur ekki verið verulegt vandamál frá því að bannið var sett. Menn hafa miklar áhyggur af því að afnám bannsins myndi leiða til þess að tyggigúmmíi yrði kastað á víð og dreif og það myndi grafa undan baráttu okkar gegn sóðaskap.“