Kynskiptiaðgerðin var ekki fyrir mig

„Mér fannst þetta mjög skrítið til að byrja með, en ég sá hana þó alltaf eins og hún er, sem konu. Aðgerðin er alls ekki fyrir mig heldur alfarið fyrir Völu,“ segir Baldvin Vigfússon, kærasti Völu Grand, sem gekkst undir kynleiðréttingaraðgerð síðastliðinn sunnudag.

„Þetta hefur staðið til síðan hún var mjög ung, þegar hún vissi hver hún var og langaði að verða kona. Hún hefur alltaf verið staðráðin í að fara í aðgerðina,“ segir Baldvin.

Baldvin er ekki samkynhneigður og segir hann óneitanlega hafa verið sérstakt að eiga kærustu með typpi. Fjölskylda hans og vinir tóku ekki vel í fregnirnar er hann byrjaði að hitta Völu, en þau sýna sambandinu meiri skilning í dag.

„Vinir mínir héldu í fyrstu að ég væri að prófa mig eitthvað áfram og myndi að lokum fá nóg. Í dag hafa þeir kynnst Völu og okkar sambandi svo þeir sýna því fullan skilning. Fjölskylda Völu hefur alltaf sýnt henni og okkur stuðning sem hefur hjálpað mikið,“ segir Baldvin.

Nánar í nýjasta Monitor. Blaðið má lesa í rafrænni útgáfu hér.

Vala Grand á góðri stundu. Úr einkasafni

• Blogga um frétt