Kanadíska söngkonan Alanis Morissette og rapparinn Mario „Souleye" Treadway eignuðust dreng á jóladag. Upplýsingafulltrúi Morissette segir í tölvupósti, að drengurinn heiti Ever Imre Morissette-Treadway og bæði móður og barni heilsist vel.
Morissette, sem er 36 ára, hefur notið mikilla vinsælda frá því platan Jagged Little Pill, kom út árið 1995. Hún var um tíma trúlofuð leikaranum Ryan Reynolds.