Jónsi kveður Jónsa

Lungann úr árinu hefur Jón Þór Birgisson, sem allir þekkja sem Jónsa í Sigur Rós, verið að ferð og flugi að kynna sólóskífu sína Go. Á ferðinni hefur hann haldið tónleika fyrir á annað hundrað þúsund manns og á miðvikudag er röðin komin að íslenskum áheyrendum, en þá heldur Jónsi tónleika í Laugardalshöll, 99. sólótónleika sína og jafnframt þá síðustu, í bili að minnsta kosti, en eftir áramót hefst Sigur Rós handa við upptökur á nýrri plötu.

Eftir síðustu tónleika sína í Bretlandi fyrir stuttu, fyrir 5.000 manns í Hammersmith Apollo tónleikastaðnum í Lundúnum, brugðu Jónsi og hljómsveit á leik og spiluðu órafmagnað eitt lag fyrir gesti mbl.is.

• Blogga um frétt