Keppt í vaxtarrækt og fitness

Líkamsræktarfólk hélt Íslandsmeistaramót í Háskólabíói í gær þar sem keppt var bæði í vaxtarrækt og fitness.

Rannveig Kramer varði Íslandsmeistaratitil sinn í fitnessflokki kvenna og Kristján Geir Jóhannesson varð Íslandsmeistari í karlaflokki. Þá urðu Magnús Bess Júlíusson og Jóna Lovísa Jónsdóttir Íslandsmeistarar í vaxtarrækt.

Þetta er í fyrsta skipti í 16 ár sem Íslandsmótið fer fram í Reykjavík en hefð hefur verið fyrir því að mótið sé haldið á Akureyri. Nákvæmlega 100 keppendur í ýmsum flokkum stigu á sviðið í gær, að því er kemur fram á vefnum fitness.is.

• Blogga um frétt