Emma Watson í bíói og skilur ekkert

Harry Potter-stjarnan Emma Watson er stödd á Íslandi eins og kunnugt er við tökur á stórmyndinni um örkina hans Nóa. Af Twitter-síðu hennar má ráða að hún hafi ákveðið að lyfta sér upp á föstudagskvöldi og kíkja í íslenskt kvikmyndahús, en vandamálið er að hún skilur ekkert hvað fer fram.

„Ég er á Íslandi, að horfa á „To Rome with Love", en bróðurhlutinn af henni er á ítölsku og textinn er á íslensku," tísti Watson um kvöldmatarleytið. Stuttu síðar bætti hún við. „Jæja ég hef í alvöru ekki hugmynd um hvað er að gerast".

Myndin sem varð fyrir valinu hjá Watson er nýjasta mynd Woody Allen með ítalska leikaranum Roberto Benigni í aðalhlutverki. 

• Blogga um frétt