Breska konungsfjölskyldan hefur staðfest að nektarmyndir sem birtust á netinu í dag af Harry prins í Las Vegas séu ófalsaðar. Myndirnar voru teknar á hótelherbergi í Las Vegas þar sem prinsinn er sagður hafa farið með hópi vina og skemmt sér fram eftir nóttu.

Ekki virðast allir vinir prinsins vera traustsins verðir, sem þarf reyndar kannski ekki að koma á óvart því sagt er að suma gestina hafi hann hitt í fyrsta sinn fyrr um kvöldið í spilavíti og boðið þeim í svítuna þaðan sem myndirnar láku út. Slúðurvefurinn Tmz.com birtir tvær myndir sem teknar eru af prinsinum nöktum og fylgir sögunni að Harry hafi svipt sig klæðum í nektarbilljarð.

Á annarri myndinni sést Harry, sem er 27 ára og þriðji í erfðaröð bresku krúnunnar, standa allsnakinn að úri og hálsfesti undanskildum, og halda um kynfærin en fyrir aftan hann stendur stúlka sem einnig virðist kviknakin. Á hinni myndinni tekur hann nöktu stúlkuna í fangið.

Fréttastofa AFP fékk staðfestingu á því í morgun frá bresku hirðinni að myndirnar séu ekki falsaðar. „Sem stendur viljum við ekki tjá okkur um myndirnar, en gerum það kannski síðar,“ er haft eftir talsmanni konungsfjölskyldunnar. Sjaldgæft er að konungshöllin segi af eða á um myndir með þessum hætti, en nektarmyndirnar vekja að sögn AFP spurningar um öryggi prinsins. 

Tengdar fréttir

Kóngafólk

Katrín prinsessa laumaðist á fund í Windsor-kastala

• Sonur Mette-Marit grunaður um nauðgun
• Bresku konungshjónin syrgja góðan vin
• Brutust inn í bóndabæ á landareign bresku konungsfjölskyldunnar
• Meghan lét Harry selja dýrgripi

» Fleiri tengdar fréttir

• Blogga um frétt