Dýr hjónaskilnaður

Kelsey Grammer þarf að greiða fyrrverandi eiginkonu sinni Camille um 30 milljónir Bandaríkjadala ef málin þróast henni í hag. Leikarinn batt enda á hjónabandið í fyrra og gekk skilnaðurinn í gegn í byrjun ársins. Þá tók við harðvítug forræðisdeila vegna barna þeirra tveggja og málarekstur vegna skiptingar eigna.

„Þau eru loksins að ná lendingu með fjármálin,“ er haft eftir heimildamanni fréttavefjarins TMZ. „Sameiginlegar eignir Kelsey og Camille eru metnar á um 60 milljónir Bandaríkjadala og þeim verður skipt hnífjafnt.“

Fram kemur í frétt TMZ að stjarna Frasier-sjónvarpsþáttanna hafi verið peninga- og eignalaus með öllu þegar hann kvæntist fyrrverandi eiginkonu sinni. Hún hafi hins vegar sýnt mikla ráðdeild í peningamálum og ávaxtað fé þeirra, leikaralaunin, afar vel.

• Blogga um frétt