Kutcher með mesta kaupið

Þrátt fyrir að umtalað ástarlíf geri honum ef til vill lífið leitt getur Ashton Kutcher í öllu falli glaðst yfir góðu gengi á framabrautinni. Er hann hæst launaði karlleikarinn í sjónvarpsþáttaseríu samkvæmt nýjum lista Forbes-tímaritsins.

Samkvæmt lista Forbes þénaði Kutcher 24 milljónir dala á tímabilinu maí 2011 til maí 2012. Fjárhæðina fékk hann fyrir vinnu sína í þáttunum Two And A Half Men en hann gekk upphaflega til liðs við þættina í kjölfar þess að Charlie Sheen var sagt upp störfum. Munaði 16 milljónum dala á þeim kumpánum á síðasta ári, Sheen í vil. Nær Sheen ekki inn á topp tíu listann í ár þrátt fyrir nýjan þátt.

Næstir á eftir Kutcher á lista komu House-hetjan Hugh Laurie og Ray Romanov, fyrir þáttinn Men of a Certain Age, en báðir þénuðu þeir 18 milljónir dala á tímabilinu. Aðrir sem náðu inn á topp-tíu-listann voru m.a. Alec Baldwin fyrir 3D Rock, Tim Allen fyrir Last man Standing, Jon Cryer úr Two And A Half Men og þeir Jim Parsons og Jonnny Galecki úr The Big Bang Teory.

• Blogga um frétt