Bubbi þarf að fresta jólaplötu sinni

Jólaplata sem Bubbi Morthens ætlaði að gefa út fyrir jólin kemur ekki út fyrir þessi jól. Ástæðan er sú að ekki var búið að tryggja leyfi fyrir notkun á Bítlalagi sem er á plötunni.

Bubbi Morthens fjallar um þetta mál á Facebook, en hann segir: „Jólaplatan mín er mjög líklega komin í frestun í eitt ár vegna fyrirspurnar frá STEF frá manneskju sem krafðist nafnleyndar, fyrirspurnin var um hvort leyfi væri komið fyrir Bítlalagi sem á henni er að finna.

Það kom í ljós að fyrir misskilning hafði leyfið ekki verið fengið. Ég taldi það vera óhæft að gefa út plötuna með þessu lagi án leyfis. Þess má geta að fyrirspurnin kom frá Jóni Ólafssyni, framkvæmdastjóra FTT, og kann ég honum bestu þakkir fyrir umhyggju sína í minn garð.“

Lagið sem veldur þessu uppnámi er Bítlalagið Across the Universe.

• Blogga um frétt