Sænska jólageit IKEA hlaut sorgleg örlög aðfaranótt síðastliðins laugardags þegar skemmdarvargar gerðu sér það að leik að kveikja í geitinni. Það reyndist því miður ómögulegt að bjarga henni en undirbúningur að gerð nýrrar geitar hófst strax og vonir standa til að hún verði risin fyrir næstu helgi, segir í frétt frá IKEA.

„Það ríkir mikil gleði og tilhlökkun í IKEA á aðventunni og því leiðinlegt að hefja hana á þessu nótum. Þótt einhverjum þyki það fyrirhafnarinnar virði að eyðileggja jólagleði annarra, þá komast þeir ekki upp með það að þessu sinni. Hlýleg jólastemningin sem ræður ríkjum í IKEA í aðdraganda jólanna er á sínum stað og þess vegna verður lagst á eitt til að ný geit rísi sem fyrst á hólnum í Kauptúninu,“ segir í frétt IKEA.

Hér að neðan má sjá myndband úr öryggismyndavél IKEA af því er kveikt var í geitinni.

Tengdar fréttir

Jólageitur

72 dagar til jóla og geitin komin upp

• „Markmiðið að engin kveiki í geitinni“
• Kveikt strax í jólageitinni
• Viljum hægja á þessum sirkus
• Rannsókn geitar-brunans lokið

» Fleiri tengdar fréttir

• Blogga um frétt