Notre Dame laðar ferðamenn að

Notre Dame-kirkjan í París hefur lifað af frönsku byltinguna og tvær heimsstyrjaldir en kirkjan er 850 ára gömul. Mikil vinna liggur í því að halda kirkjunni við enda er búist við því að um 20 milljónir heimsæki Notre Dame á afmælisárinu.

Á morgun verður byrjað að fagna 850 ára afmæli Notre Dame og stendur afmælishátíðin til loka nóvember á næsta ári. Í venjulegu ári heimsækja 14 milljónir kirkjuna en á afmælisárinu er þess vænst að gestir verði 20 milljónir talsins.

Undanfarið hefur verið unnið að því að þrífa og búa kirkjuna betur undir að taka á móti gríðarlegum fjölda ferðamanna. Flestir, ungir sem aldnir, þekkja Notre Dame-kirkjuna, meðal annars vegna sögu Vicorts Hugos um hringjarann Quasimodo.

Notre Dame-kirkjan hefur verið vinsæll áfangastaður allt frá því hornsteinn var lagður að kirkjunni árið 1163 að viðstöddum Alexander III páfa.

Upplýsingar um Notre Dame á Wikipedia

• Blogga um frétt