Dauði bandarísku söngkonunnar Whitney Houston er sá atburður í heimi fræga fólksins sem kom fólki mest á óvart á árinu sem er að líða. Önnur óvæntasta frétt ársins var játning leikkonunnar Kristen Stewart um að hafa haldið fram hjá kærastanum Robert Pattinson.

Þetta er niðurstaða könnunar Parade Magazine og Yahoo! Fréttir af dauðsfalli Houston fengu um 50% atkvæða.

Houston fannst látin í baðkari á hótelherbergi í Beverly Hills í febrúar.

Játning Stewart fékk 21% atkvæða og þriðja stærsta fréttin í skemmtanaheiminum er af skilnaði Tom Cruise og Katie Holmes en 14% þátttakenda í könnuninni sögðu þá frétt hafa komið mest á óvart.

Í fjórða sæti var svo sú ótrúlega frétt að raunveruleikastjarnan úr þáttunum Jersey Shore, Snooki, væri ólétt og í því fimmta frétt af samkynhneigð sjónvarpsmannsins Andersons Coopers.

Þar á eftir fylgdu fréttir af því að Demi Moore hefði farið í meðferð og loks frétt af því að leikararnir Brad Pitt og Angelina Jolie væru loksins trúlofuð.

Þátttakendur könnunarinnar voru einnig spurðir að því hver væri heimsins kynþokkafyllsti karl, hver væri eftirlætis bók þeirra og brúðkaupi hvaða stjarna þeir hlökkuðu mest til að fylgjast með.

Ekki þarf að koma á óvart að Ryan Gosling var valinn heimsins kynþokkafyllsti karl, bókin 50 gráir skuggar er vinsælasta bókin og flestir bíða brúðkaups Jennifer Aniston og Justin Theroux með eftirvæntingu.

Könnunin var framkvæmd í haust og því hugsanlegt að eitthvað hafi breyst í huga fólks en í henni tóku yfir 56 þúsund manns þátt.

Tengdar fréttir

Fréttir ársins 2012

Í góðri stöðu sem arftaki Blatters

• Innlendar fréttamyndir ársins
• Innlendur íþróttaannáll í myndum
• Erlendar fréttamyndir ársins
• Íslenskt kattapartí ein mesta furðufrétt ársins

» Fleiri tengdar fréttir

• Blogga um frétt