Breski leikarinn Russell Brand hefur boðið vinkonu sinni Demi Moore í ferðalag til Indlands.
Brand telur að Moore, sem hefur ekki átt sjö dagana sæla eftir skilnaðinn við Ashton Kutcher, hafi gott að því að dvelja um hríð á Ananda-heilsuhælinu í Himalaya-fjöllunum. Þar geti hún hreinsað líkama og sál og grætt sárin, segir í frétt Bang Showbiz.
Á heilsuhælinu er boðið upp á hugleiðslu og heilsusamlegt mataræði.
Í dagblaðinu Sun segir að Brand og Moore hafi orðið vinir er hún hóf að stunda jóga með honum.
Brand er 37 ára, segir að Moore sé elskuleg kona. „Hún er eldri kona og mjög falleg sem slík.“