Latibær frumsýndur í bíó

Fullt var út úr dyrum þegar frumsýndir voru  tveir nýir þættir úr þriðju þáttaröðinni af Latabæ í Laugarásbíó í dag. Sýndur var tvöfaldur þáttur fyrir hlé og svo einn þáttur eftir hlé.

Íþróttálfurinn og Solla stirða tóku á móti gestum og stóðu fyrir ofurhetjuæfingum í upphafi sýningarinnar og tóku öll börn virkan þátt, segir í fréttatilkynningu.

Þættirnir verða sýndir í bíóhúsum um land allt næstu vikur, en þó í takmarkaðan tíma.

Alls eru þrettán þættir í nýju seríunni og hefst sýning á þeim í byrjun maí á Stöð 2.

Með aðalhlutverk í þáttunum fara Magnús Scheving, Chloe Lang og Stefán Karl Stefánsson.

• Blogga um frétt