Tónlistarkonan Lauryn Hill hefur nú hafið afplánun á þriggja mánaða fangelsisdómi sem hún hlaut fyrir skattsvik.
Samkvæmt heimasíðu TMZ hóf Hill afplánunina í gær í kvennafangelsinu í Danbury, Connecticut. Lágmarksgæsla er í fangelsinu og mun Hill ekki fá neina sérmeðferð vegna frægðar sinnar.
Á seinasta ári játaði Hill af hafa svikið undan skatti á árunum 2005-2007. Stjörnur á borð við Stevie Wonder og Alicia Keys hafa lýst yfir stuðningi sínum við Hill og líkt skattkerfinu í Bandaríkjunum við þrældóm.
Dómari í máli Hill tók tillit til þess að Hill hafði hreina sakaskrá og hafði greitt hluta af skuldinni til baka og þess vegna hlaut söngkonan dóm sem þykir tiltölulega vægur fyrir brot af þessu tagi.