Amanda Bynes ræðst á Drake

Leikkonan óstýriláta Amanda Bynes hefur nú sakað rapparann Drake um að vera að ofsækja sig.

Hin 27 ára Bynes, sem hefur hagað sér undarlega á seinustu mánuðum, birti nokkur skilaboð í vikunni á Twitter en hún vill meina að Drake sé með hana á heilanum.

„Drake er að ofsækja mig en hann er ekki að fylgja mér á Twitter. Hann er ljótur og ég mun ekki hætta að gera grín af ljóta andlitinu hans. Ég hlæ af öllum myndum sem ég sé af honum,“ sagði í einu skilaboðinu frá Bynes.

Þá birti hún einnig mynd af rapparanum og skrifaði fyrir neðan: „Hann er ljótur.“

• Blogga um frétt