Veröld/Fólk | mbl | 23.7.2013 | 14:20 | Uppfært 15:59

Tökur á Game of Thrones hafnar

Mynd 1 af 3 Úr þáttunum Game of Thrones.

Mynd 2 af 3 Maisie Williams, sem leikur Arya Stark í miðið, ásamt Sophie Turner, sem fer með hlutverk Sansa Stark og Natalie Dormer, betur þekkt sem Margaery Tyrell. AFP

Mynd 3 af 3 Þess er vonandi ekki langt að bíða að Kit Harrington, sem fer með hlutverk Jon Snow, láti sjá sig á landinu, en hann var staddur á Comic-con ráðstefnunni í Kaliforníu á föstudaginn. AFP

Tökur á fjórðu seríu þáttaraðarinnar sívinsælu Game of Thrones hófust hérlendis í gær. Þættirnir teljast seint með smáu sniði, en í fyrstu þremur seríunum komu fram 162 karakterar, auk fjölda statista, og er umfang takanna hérlendis í takti við það.

Samkvæmt upplýsingum frá Snorra Þórissyni, framkvæmdastjóra kvikmyndafyrirtækisins Pegasusar koma tæplega 300 manns að gerð þáttanna hérlendis. „Stærri hluti hópsins eru Íslendingar, þetta eru starfsmenn Pegasusar og verktakar í okkar umsjá,“ segir Snorri.

Um sextíu statistar hafa verið ráðnir til að koma fram í þáttunum og segir Snorri þann hóp eðlilega hafa verið ánægðan með hlutskipti sitt. Munu tökur standa fram til 1. ágúst og því um að gera að reyna að koma auga á stjörnur þáttanna áður en þær hverfa af landi brott.

Fregnir herma að þegar hafi sést til Maisie Williams og Gwendoline Christie, sem fara með hlutverk Arya Stark og Brienne af Tarth, í miðbænum í gær og fyrradag.

Ekki fékkst staðfest hjá Pegasus hvar tökurnar fara fram, en heimildir mbl.is herma að tekið verði upp á Þingvöllum, í Þjórsárdal og á Hengilssvæðinu.

Fleira áhugavert

Hvatti kjósendur til þess að greiða ógild atkvæði

Fæðuöryggi: „Áttum mat í þrjár vikur“

Auka aðgengi að Grindavík

Falskur fyrirvari á auglýsingum Höllu

Félagsstarf »

Stjörnuspá »

Hrútur

Þú ert traustur vinur og þeir sem umgangast þig vita það og einnig að þú gleymir ekki því sem gert er á þinn hlut eða þinna. Skrifaðu bestu hugmyndirnar þínar niður og farðu eftir þeim.

síðasta vika