Stjörnurnar vilja sogglös á bakið

Glerglös og smávegis hiti er það sem til þarf til að fá eina vinsælustu heilsumeðferð sem í boði er í Hollywood í dag. Stjörnurnar Jennifer Aniston og Gweneth Paltrow eru meðal þeirra sem hafa látið setja sogglösin á bakið á sér en aðferðin er sögð vinna gegn streitu, vöðvabólgu og fleiri kvillum.

Á ensku kallast aðferðin „cupping“ og þó hún hafi verið notuð í Kína í aldir eru aðeins fáein ár frá því að hún tók að njóta vinsælda í Hollywood. 

Fólk er sagt finna árangur strax, líða betur í líkamanum og eiga auðveldara með hreyfingar.

Aðferðin felst í því að súrefni er tæmt úr glerglösum með hita og þau svo lögð á bak sjúklingsins. Þá myndast sogkraftur og húðin dregst upp í glasið. 

• Blogga um frétt