Leikkonan Lisa Robin Kelly, sem lék meðal annars í That `70s Show, ásamt Ashton Kutcher og Mila Kunis, er látin 43 ára að aldri.
Á fréttavef breska ríkisútvarpsins er haft eftir umboðsmanni hennar, Craig Wyckoff, að Kelly hafi látist á miðvikudag á meðferðarstofnun fyrir eiturlyfjafíkla í Los Angeles þar sem hún hafði verið lögð inn fyrr í vikunni. Ekkert hefur verið gefið upp hver dánarorsökin er.
Eftir að Kelly hætti að leika í þáttunum bar lítið á henni þar til fréttir bárust af vandamálum hennar í einkalífinu. Hún var handtekin í nóvember ásamt eiginmanninum, Robert Joseph Gilliam, eftir að kvartað var undan hávaða á heimili þeirra. Í júní var hún handtekin fyrir akstur undir áhrifum áfengis.