Martha Stewart gaf íslenskan vodka

Martha Stewart gaf Chelsea Handler sem stjórnar bandaríska spjallþættinum Chelsea Lately flösku af hinum íslenska Reyka vodka. Steward var aðalgestur þáttarins í gærkvöldi. Falleg slaufa var á vodkaflöskunni því það er mjög mikilvægt að nota einfalda hluti til að gera hversdagslífið fallegt, segir Stewart.

Er Stewart hafði afhent Handler flöskuna var hún spurð hvað hún hefði gert kvöldið áður. „Hvar var ég í gærkvöldi?“ svaraði Stewart og rifjaði svo upp að hún hefði verið dómari í búningakeppni. Hún sagðist þó ekki hafa drukkið vodka heldur Cointreau. „Það er tært eins og vodka, sjáðu til. Þannig getur enginn séð hversu fullur þú ert að verða,“ sagði Stewart.

Vodka er ekki það eina sem tengir Stewart við Ísland. Hún notar íslenska húðdropa og bauð Dorrit Moussaieff forsetafrú í þátt sinn í fyrra.

• Blogga um frétt