„Af hverju skiptiru þá ekki um stöð?
Setja bókamerki
Umsjónarmenn útvarpsþáttarins Virkra morgna á Ríkisútvarpinu virðast hörundssárir, ef marka má viðbrögð þeirra í opnum símatíma í morgun. Kona ein gagnrýndi þá framgöngu Andra Freys Viðarssonar og Guðrúnar Dísar Emilsdóttur í útsendingunni. „Af hverju skiptiru þá ekki um stöð?“ spurði Andri Freyr þá og fékk það svar að hún ætlaði sér að gera það.
Til umræðu var svokallað hjónablót á Bolungarvík en það er Þorrablót sem eingöngu er ætlað hjónum. Andri Freyr taldi þá upp nokkra einstaklinga sem eiga það bæði sameiginlegt að vera þekktir á Íslandi og einhleypir. „Ætlar þú að reyna segja mér það, Guðrún Dís Emilsdóttir, að Sigríður Thorlacius [söngkona] megi ekki fara á Þorrablótið í Bolungarvík?“ spurði Andri Freyr og svaraði Guðrún Dís því til að Sigríður Thorlacius megi ekki einu sinni syngja á Þorrablótinu.
Í kjölfarið var opnað fyrir símann og fóru samskiptin við fyrsta viðmælandann svona fram:
Andri Freyr: „Góðan daginn.“
Ónafngreind kona: „Í guðanna bænum hættið þessu.“
Guðrún Dís: „Ha!?“
Andri Freyr: „Ert þú að hringja frá Bolungarvík?“
Ónafngreind kona: „Nei.
Guðrún Dís: „Finnst þér þetta í lagi?“
Ónafngreind kona: „Nei, mér finnst ekki í lagi hvernig þið látið.“
Andri Freyr: „Af hverju skiptiru þá ekki um stöð?“
Ónafngreind kona: „Já.“
Konan sleit við það sambandinu.
Guðrún Dís: „Já, hún ætlar að gera það þessi.“
Hér má heyra upptöku af útvarpsþættinum frá því í morgun
Falskur fyrirvari á auglýsingum Höllu
Ákærður fyrir stunguárás á menningarnótt
„Við vöknuðum við hljóð frá sprengingum“
Vinna hefst í dag við að reisa undirstöður
Heimildarmenn tala um hápólitískt drama
Ekki hægt að slá gosið út af borðinu strax
Sendi nektarmyndir af dreng sem hann passaði
Dæla, kæla og verja mikilvæg mannvirki