Leikararnir Jake Gyllenhaal og Josh Brolin villtust á dögunum í fjalllendi í Kaliforníu, en þeir undirbúa sig nú af miklu kappi fyrir tökur kvikmyndar Baltasar Kormáks, Everest. Ungir skátar komu þeim til bjargar.

Þeir voru á fjallgöngu í Santa Monica fjallgarðinum og hófst ferðin í Malibu-gljúfri, sem er fyrir vestan Los Angeles. Til stóð að þeir fylgdu merktum stíg, en þegar þeir komu að klettabelti vildi Gyllenhall ólmur klífa það. Þegar kom síðan að því að halda niður villtust þeir. 

Frá þessu er greint í bandaríska tímaritinu National Enquirer.

Þar segir að þegar þar var komið sögu hafi verið orðið nokkuð dimmt og kalt í veðri og ekki bætti úr skák að á þessum slóðum hafast við ýmis villt dýr, fjallaljón, sléttuúlfar og eitursnákar. Flokkur drengjaskáta kom þeim til bjargar og fylgdi þeim niður af fjallinu. 

Myndin fjallar um Scott Fisher og Rob Hall, sem lentu í ofsaveðri þegar þeir voru að reyna að klífa Everest. Átta létu lífið í leiðangrinum og er myndin byggð á metsölubókinni Into Thin Air. Tökur á myndinni hefjast síðar í mánuðinum.

Josh Brolin. AFP

Jake Gyllenhaal. AFP

Tengdar fréttir

Everest kvikmyndin

Beint: Kemst Ísland alla leið?

• „Ég strunsaði að minnsta kosti ekki út úr Eurovision“
• Fjögur lík og tíu tonn af rusli
• Heilinn erfiðar á Everest
• Everest stefnir á toppinn

» Fleiri tengdar fréttir

• Blogga um frétt