Réttarlæknir í New York hefur úrskurðað að bandaríski leikarinn Philip Seymour Hoffman lést af of stórum skammti lyfja. Í blóði hans fannst heróín, kókaín, amfetamín og róandi lyf. Hofmann fannst látinn í íbúð sinni í New York 2. febrúar með sprautunál í handleggnum.

Hoffman glímdi við vímuefnafíkn en eftir að hafa verið edrú í 23 ár féll hann af vagninum á árinu 2012 og fór í meðferð í fyrra. Ekki gekk betur en svo að halda sig frá vímuefnunum að þau leiddu að lokum til andláts hans.