Jennifer Lawrence datt á rauða dreglinum - aftur

Leikkonan Jennifer Lawrence virðist ekki enn vera búin að læra listina að ganga í himinháum hælum og síðkjólum, enda er það ekki beint hversdagsklæðnaður, en hún datt enn og aftur á rauða dreglinum á dögunum.

Samkvæmt heimildum Heat var leikkonan á rauða dreglinum á frumsýningu kvikmyndarinnar X-Men: Days of Future Past í New York.

Hún missteig sig er hún var að ganga upp tröppur til þess að komast í myndatöku, en til allrar hamingju náði aðstoðarmaður að grípa í hönd hennar áður en hún skall í gólfið.

Hungurleikastjarnan hefur dottið á rauða dreglinum á Óskarsverðlaununum tvö ár í röð.

Hins vegar er það eitt það skemmtilega við Lawrence að hún gerir jafnmikið grín að þessu og aðrir, sem gerir þetta ekki eins vandræðalegt.

Leikkonan Jennifer Lawrence á frumsýningu X-Men: Days of Future Past. mbl.is/AFP

• Blogga um frétt