Sjálfvirkur sæðismjólkari fyrir spítala

Spítali í Nanjing, höfuðborg Jiangsu-héraðsins í Kína, hefur kynnt til sögunnar byltingarkennt tæki sem gerir sæðisgjöf jafnvel auðveldari en áður. 

Tækið mun sérstaklega gagnast þeim karlmönnum sem hafa skerta hreyfigetu í höndum eða eiga af einhverjum öðrum ástæðum erfitt með að fróa sér sjálfir. Tækið er búið nuddpípu sem hægt er að stilla svo hún henti hæð þess sem hyggst nýta sér þjónustu hennar. Notandinn getur stillt hraða og hitastig auk annarra sérþarfa og svo notið ferðarinnar. Tækið er að auki búið skjá fyrir þá sem þurfa smáandagift til að koma sér af stað.

Þó svo að tækið sé hannað til að létta karlmönnum lífið hafa ýmsir netmiðlar bent á að fæstum þyki það kynþokkafullt að láta mjólka úr sér sæðið. Öðrum hefur ef til vill dottið í hug að hér sé komin dómsdagsvél karlmanna enda geti konur auðveldlega tekið yfir heiminn með hennar hjálp.

• 1 blogg um fréttina

Bloggað um fréttina

• Wilhelm Emilsson: Nýjasta tækni og vísindi