Lagið „I Will Catch You When You Fall“ kom út á fyrstu breiðskífu Robert the Roommate á síðasta ári en nú hefur sveitin gert myndband við lagið.
Myndbandið er að mestu tekið upp í Suður-Svíþjóð og leikstýrt og stíliserað af þeim Friðriki Árnasyni og Gígju Isis, en þau fengu sænska vini sér til aðstoðar við upptökur. Inn í myndbandið blandast einnig myndbrot frá Íslandi, mynduð af Daníel Poul Purkhús.
Robert the Roommate var stofnuð á vormánuðum ársins 2010 með það í huga að leika lög eftir söngvaskáld 7. og 8. áratugar síðustu aldarar. Upp úr árinu 2011 fóru liðsmenn sveitarinnar hins vegar að leika eigin lög sem komu síðan út á síðasta ári.
Þeir sem hyggjast dvelja í höfuðborginni um helgina geta barið Robert the Roommate augum á Café Rósenberg næstkomandi föstudagskvöld. Sveitin heldur þar tónleika klukkan 22 þar sem áhersla verður lögð á tónlist hljómsveitarmeðlima Led Zeppelin.