Kona afklæddist á Nelson Mandela torginu í Jóhannesarborg í Suður-Afríku í dag áður en hún gekk að risavaxinni styttu af Mandela sjálfum og faðmaði blíðlega á meðan aðrir fylgdust undrandi með.
Konan heilsaði fyrst styttunni af forsetanum fyrrverandi áður en hún afklæddist að sögn sjónarvotts. Þetta gerðist um klukkan fjögur í dag og sagði þjónustustúlka á veitingahúsi á torginu töluverðan æsing hafa myndast. Hún sagði einn karlkyns kúnna meðal annars hafa verið sleginn í höfuðið af eiginkonu sinni þegar hann stóð upp til þess að athuga málið betur.
Öryggisvörður bað konuna um að fara aftur í fötin. Hún hlýddi því og yfirgaf torgið án frekari útskýringa.
Mynd af athæfinu sem birtist á Twitter sýnir hvernig konan hallaði höfði sínu að styttunni.
Bana!! This woman at Nelson Mandela square in #Johannesburg Decided to strip naked and hugged #Mandela statue 😩#RSA pic.twitter.com/CozHHFIC2Z
— The Angry Diplomat (@d33dat) July 30, 2014