„Harmi lostinn. Takk höfðingi - fyrir vináttu þína og það sem þú gafst heiminum,“ sagði leikarinn og leikstjórinn Ben Affleck á Facebook og Twitter í dag, um dauða leikarans Robin Williams. 

Kvikmyndin Good Will Hunting var sköpunarverk æskuvinanna Afflecks og Matt Damons, en þeir skrifuðu handritið að henni rétt rúmlega tvítugir að aldri og hlutu óskarsverðlaun fyrir. Robin Williams tók að sér hlutverk háskólaprófessorsins í myndinni og hlaut sömuleiðis óskarinn.

Ljóst er að Williams er þeim vinum mikill harmdauði. „Robin hafði mikla ást að gefa. Hann gerði, persónulega, svo mikið fyrir svo marga. Hann lét drauma okkar Matts rætast,“ sagði Affleck þegar hann minntist Williams í dag, eftir fregnirnar af sjálfsvígi hans.

„Hvað skuldarðu manni sem gerir það? Allt. Megir þú finna frið, vinur minn. #RobinWilliams“

Tengdar fréttir

Robin Williams

Fær ekki að vera eina „drottning jólanna“

• Ráðlagt að sofa ekki í sama rúmi
• Deila jafnvel um Óskarsstyttuna
• Vilja öll fá eigur Williams
• Tilgangslaust að spyrja „Af hverju?“

» Fleiri tengdar fréttir

• Blogga um frétt