Robin Williams mætti á AA fund deginum áður en hann fannst látinn á heimili sínu í Tiburon í Kaliforníu á mánudaginn var, að því er dagblaðið The Sun greinir frá.

Robin Williams hafði sótt meðferð í júní á þessu ári til þess að haldast edrú en hann hafði áður átt við áfengisfíkn að stríða.

Maður sem hafði verið í sama AA hóp og Robin Williams sagði að leikarinn hefði mætt á laugardaginn síðasta á AA fund.

Robin Williams hætti fyrst að drekka áfengi árið 1982 en hóf drykkju á ný árið 2003. Drykkjunni hætti hann svo aftur þremur árum síðar.

Talið er að Robin Williams hafi einangrað sig mikið og lokað sig af á heimili sínu eftir að hóf á ný meðferð í júní á þessu ári en hann sótti meðferðina til að halda sér áfram edrú.

Líkt og mbl.is greindi frá fyrr í sumar hafði Robin Williams lengi verið edrú en skráði sig í meðferð í nokkr­ar vik­ur þrátt fyr­ir að hafa ekki fallið. Þetta sagðist hann hafa gert til að halda sér á réttri braut.

Tengdar fréttir

Robin Williams

Fær ekki að vera eina „drottning jólanna“

• Ráðlagt að sofa ekki í sama rúmi
• Deila jafnvel um Óskarsstyttuna
• Vilja öll fá eigur Williams
• Tilgangslaust að spyrja „Af hverju?“

» Fleiri tengdar fréttir

• Blogga um frétt