Að gjósa eða ekki gjósa, það er efinn. Á meðan þú bíður spennt/ur eftir frekari fregnum af Bárðarbungu getur þú byrjað að undirbúa þig fyrir allt það sem þú munt án efa gera þegar og ef það gýs.

1. Þú skrifar Facebook status á ensku þar sem þú lætur erlenda vini þína vita að eyjan sé ekki sprungin og að þú munir, þrátt fyrir allt, lifa þetta af. Í framhaldinu tekurðu við fullt af misgóðum bröndurum um hvernig eigi að bera fram Eyjafjallajökull og Bárðarbunga.

2. Þú skellir í prófílmynd af þér með gosið í baksýn. Ef gosið verður hraunfjör eins og Fimmvörðuháls en ekki öskuský eins og Eyjafjallajökull það er að segja. Þér er auðvitað slétt sama hvað yfirvöld segja um hættu þess að standa keik/ur og taka 300 sjálfsmyndir með hraunmola fljúgandi allt í kring enda verður prófílmyndin sem af áhættunni hlýst minnst 100 „læka“ virði.

3. Þú fylgist ótrúlega vel með vefmiðlum fyrstu dagana, bæði íslenskum og erlendum svo þú sért samræðuhæf/ur í hádegismatnum en ef gosið stendur í meira en tvær vikur fara gosfréttir að verða þreyttar og þú snýrð þér aftur að því að taka kannanir á Buzzfeed.

4. Þú finnur fyrir stórfurðulegu þjóðarstolti þegar þú sérð fréttir af gosinu á erlendum vefmiðlum og gerir óspart grín að allri histerískri umfjöllun enda eru svona eldgos ekkert stórmál fyrir þér, þaulvönum Íslendingnum. 

5. Jafnvel þó gosið verði öskugos, muntu líklega ekki geta staðist mátið að kíkja á herlegheitin og skellir þér á rúntinn svo þú getir tekið Instagram myndband eða Snapchat af því hvernig það sést ekkert þegar þú ert inni í því. 

6. Sama hvort gosið verður öskugos eða hraungos mun bíllinn þinn á einhverjum tímapunkti sitja fastur í bílaröð út úr bænum sem lætur bílaröðina út í Landeyjahöfn á þjóðhátíð líta út eins og kóngalínu í barnaafmæli.

7. Þú neyðist til að hætta á Twitter af því að gosbrandararnir verða orðnir svo þreyttir.

8. Ef gosið veldur truflun á flugumferð, verður þér sú staðreynd ljós að þú munt eyða næstu árunum í að taka ábyrgð á því í hvert skipti sem einhver erlendis fréttir að þú sért frá Íslandi. „Yes, we did it again. We really can't control the volcanos but we will try to keep it in our pants next time you are flying. “

Tengdar fréttir

Listilegir listar

8 ráð fyrir brúðkaupsdólga

• Frægir baða sig í ísvatni
• 10 íslensk slanguryrði til að bæta í safnið
• 10 staðreyndir um örvhenta
• Fimm bónorð fyrir hugmyndasnauða

» Fleiri tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir

• Blogga um frétt