Skoski grínistinn Billy Connolly segir að vinur hans, leikarinn Robin Williams, hafi hringt í hann og beðið um ráð í kjölfar þess að greinast með Parkinsons sjúkdóminn, aðeins fáum dögum áður en hann svipti sig lífi.

Connolly segir við dagblaðið Daily Mirror að Williams hafi leitað til sín og að í þessu síðasta samtali þeirra hafi hann þakkað sér fyrir góð ráð 

Connolly er sjálfur með Parkinsons-sjúkdóminn. Hann var greindur á undan Williams. Þeir ræddu meðal annars um afleiðingar sjúkdómsins. 

Félagarnir ræddust við aðeins fáum dögum áður en Williams lést. Connolly segir að Williams hafi ítrekað sagt hvað sér þætti vænt um hann. „Í símtalinu sagðist hann ítrekað elska mig. Ég sagðist vita það en hann hélt áfram að segja það, spurði hvort ég vissi ekki örugglega að honum þætti vænt um mig.“

Connolly segist hafa undrast þetta og spurt sig hver skýringin gæti verið. „En þegar hann dó þá hugsaði ég: Guð minn góður, hann var að kveðja mig.““

Billy Connolly. Af Wikipedia

Tengdar fréttir

Robin Williams

Fær ekki að vera eina „drottning jólanna“

• Ráðlagt að sofa ekki í sama rúmi
• Deila jafnvel um Óskarsstyttuna
• Vilja öll fá eigur Williams
• Tilgangslaust að spyrja „Af hverju?“

» Fleiri tengdar fréttir

• Blogga um frétt