Macaulay Culkin er ekki dáinn

Svo virðist sem þúsundir twitternotenda telji leikarann Macaulay Culkin látinn. Leikarinn, sem er 34 ára gamall, er hins vegar sprelllifandi samkvæmt Buzzfeed.

Misskilningurinn á rætur að rekja til gabbfréttar sem einhver óprúttinn aðili setti saman en hlekknum að fréttinni hefur verið deilt mörg hundruð þúsund sinnum af sorgmæddum aðdáendum Home Alone-stjörnunnar á Facebook.

Culkin var hins vegar í fullu fjöri á föstudaginn þegar fréttin birtist eins og þessi mynd frá tónleikum hljómsveitar hans, The Pizza underground, sýnir.

Þetta er ekki í fyrsta sinn sem netverjar hafa verið gabbaðir með orðrómi um dauða Culkins sem hefur „dáið“ reglulega á sinni stuttu ævi.

<a href="https://instagram.com/p/vJbH55s_gQ/" target="_top">#thepizzaunderground #macaulayculkin #pizza</a>

A photo posted by @christinyyy on Nov 11, 2014 at 9:32am PST

• Blogga um frétt