Þriðja myndin í Hungurleikaseríunni, Mockingjay Part 1, þénaði hvorki meira né minna en 123 milljónir dollara eða um 15 milljarða íslenskra króna um helgina samkvæmt bráðabirgðatölum. Myndir trónir jafnframt á toppi vinsældalistans, bæði í Bandaríkjunum og Bretlandi.
Tekjurnar voru þó ekki jafnmiklar og af mynd númer tvö í seríunni, Catching Fire, en hún var frumsýnd fyrir ári. Þetta kemur fram í frétt Huffington Post.
Hún halaði inn 158 milljónir bandaríkjadali og fyrsta myndin 153 milljónir þegar hún var frumsýnd árið 2012.
Miðasala helgarinnar var því ákveðin vonbrigði fyrir kvikmyndaverið Lionsgate sem framleiðir myndirnar og hlutabréf í félaginu lækkuðu um fimm prósent í dag.
Myndinni gekk þó töluvert betur í kvikmyndahúsum í Bretlandi en þar voru miðasölutekjur 153 milljónir bandaríkjadala.