Á Íslandi er ekki hefð fyrir því að fólki í þjónustustörfum sé gefið þjórfé en enginn virðist hafa sagt Jay-Z og Beyoncé það.

Samkvæmt Twitter notandanum @Julianahara er stjörnuparið nú farið af landi brott eftir að hafa veitt þyrluflugmönnunum sem sáu um ferðamáta þeirra hér á landi 2.000 evrur í þjórfé. Upphæðin samsvarar rúmlega 300 þúsund krónum og ef sagan er sönn geta þyrluflugmennirnir átt sérlega gleðileg jól þetta árið.

Segist notandinn hafa heimildir fyrir þessu í gegnum frænda sinn sem er einn af fyrrnefndum þyrluflugmönnum. 

Notandinn segir Jay-Z og Beyoncé hafa gist á öðru hóteli í nótt en Blue Ivy, dóttir parsins, sem á að hafa komið til landsins ásamt fjölskyldu Jay-Z í gær. Öll hersingin mun svo hafa flogið af landi brott í dag.

 Leiðrétting: Upphaflega stóð í fréttinni að flugmennirnir hefðu fengið 2.000 Bandaríkjadali, eða 250 þúsund krónur í þjórfé. Það hefur nú verið leiðrétt.

Tengdar fréttir

Beyoncé og Jay-Z á Íslandi

Beyoncé sest í stól blaðamannsins

• Fóru frá Íslandi til Taílands
• Íslandsferð Beyoncé í myndum
• Jay og Bey pöntuðu Tokyo Sushi
• Beyoncé og Jay-Z versluðu í 66°Norður

» Fleiri tengdar fréttir

• 1 blogg um fréttina

Bloggað um fréttina

• Ásgeir Sverrisson: Kjaftatíkur