Söng­kon­an Beyoncé Know­les hef­ur birt á vef sín­um mynd­ir frá ferð sinni og eig­in­manns­ins Jay Z til Íslands. Á mynd­un­um má m.a. sjá Beyoncé færa ást­inni sinni af­mælistert­una en þau komu ein­mitt hingað til lands til að fagna 45 ára af­mæli Jay Z. Á þeirri mynd sjást m.a. upp­stoppuð dýr, lík­lega geit­ur, í bak­grunn­in­um.

Þá hef­ur parið farið þyrluflug­ferð, vel dúðað. Með þeim á mynd­un­um er dótt­ir þeirra, Blue Ivy.

Einnig hef­ur Beyoncé tekið fal­leg­ar mynd­ir af snjón­um á Íslandi. Og að sjálf­sögðu má finna á síðunni mynd­ir af henni að leika sér í snjón­um, njóta sín í Bláa lón­inu og hoppa hæð sína í loft upp á ís­lensku há­lendi.

Til að skoða all­ar mynd­irn­ar skaltu smella hér.

Fjöl­marg­ir fréttamiðlar hafa fjallað um mynd­irn­ar. Á meðan sum­ir velta því fyr­ir sér hvort mynd­irn­ar staðfesti að Beyoncé sé EKKI ólétt, eru aðrir sem vekja vel og vand­lega at­hygli á Íslandi. „Ísland hef­ur hingað til ekki verið efst á óskalist­an­um yfir áfangastaði en það er það svo sann­ar­lega núna!“ stend­ur m.a. í frétt Hollywood Life um mynd­irn­ar og ferð pars­ins um landið. „Beyoncé & Jay hafa greini­lega skemmt sér mjög vel á Íslandi. Fyr­ir utan kynþokka­fullu mynd­irn­ar úr heita pott­in­um má sjá mynd­ir af par­inu að gera ým­is­legt, allt frá þyrluflugi til vélsleðaferða. Bey drottn­ing birt­ir líka nóg af mynd­um af fal­legu lands­lag­inu, m.a. mynd­ir af fjöll­um og foss­um og af mynd­un­um af dæma virðast þau Jay Z ást­fangn­ari en nokkru sinni.“

Tengd­ar frétt­ir

Beyoncé og Jay-Z á Íslandi

Beyoncé sest í stól blaðamanns­ins

• Fóru frá Íslandi til Taí­lands
• Jay og Bey pöntuðu Tokyo Sus­hi
• Beyoncé og Jay-Z versluðu í 66°Norður
• Jay-Z gaf 300 þúsund í þjór­fé

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Ómar Ragn­ars­son: Ókeyp­is aug­lýs­ing fyr­ir landið okk­ar.