Clarkson gerir grín að brottvísuninni

Jeremy Clarkson, sem vikið var úr starfi sínu hjá BBC í dag, gerði grín að málinu á samfélagsmiðlinum Twitter fyrr í kvöld. Hófust samræður á milli hans, Richard Hammond, sem stjórnar Top Gear ásamt Clarkson og breska sjónvarpsmannsins James May. Stóra spurningin hjá þeim félögum er: Hvað verður eiginlega sýnt í sjónvarpinu á sunnudaginn í staðinn fyrir Top Gear?

James May byrjar umræðuna og leggur til bresku kvikmyndina 633 Squadron sem frumsýnd var árið 1964. Fékk hún misjafna dóma á sínum tíma en var þó kosin ein af hundrað bestu stríðsmyndum allra tíma. Segir myndin frá hersveit í seinni heimstyrjöld.

No Top Gear this weekend, apparently. How about 633 Squadron instead? @JeremyClarkson @RichardHammond

— James May (@MrJamesMay) March 10, 2015

Clarkson þvertekur fyrir tillögu May og mælir frekar með kvikmyndinni Where Eagles Dare, en hún var frumsýnd árið 1968. Segir hún einnig frá hetjum seinni heimstyrjaldar og eru þeir Richard Burton og Clint Eastwood í aðalhlutverkum. Segir hann að hún sé mun betri en 633 Squadron.

@MrJamesMay No no no. Where Eagles Dare. Much better.

— Jeremy Clarkson (@JeremyClarkson) March 10, 2015

Leggur Hammond þó frekar til að breski grínþátturinn Last of the Summer Wine verði sýndur í staðinn fyrir Top Gear. Segir þátturinn frá þremur eldri mönnum sem reyna að halda í æskuna með misjöfnum árangri. 

„Enginn mun sjá muninn,“ bætti Hammond við.

No, surely, Last of the Summer Wine; no one will notice the difference. Job done. @MrJamesMay @JeremyClarkson

— Richard Hammond (@RichardHammond) March 10, 2015

Þess má geta að myllumerkið #BringBackClarkson er í þriðja sæti yfir mest notaða merkið á Twitter í kvöld. 

• Blogga um frétt