Vitni hafa stigið fram og sagt frá því sem fór á milli Jeremy Clarksons, þáttastjórnanda Top Gear, og framleiðanda þáttarins áður en Clarkson sló til hans, og varð fyrir vikið vísað tímabundið úr starfi.

Vitnið segir að Clarkson og framleiðandinn hafi rifist í hátt í 40 mínútur og Clarkson hafi ausið yfir hann fúkyrðum áður en hann kýldi hann í andlitið. Á Clarkson að hafa kallað framleiðandann meðal annars „írskan, latan hálfvita (e. lazy irish cunt).“ Rifrildið á að hafa byrjað eftir að Clarkson kvartaði yfir því að ekki væri á boðstólnum heit máltíð fyrir þáttastjórnendurna eftir að þeir komu heim af krá í nágrenninu. 

Annað vitni segist vera í uppnámi eftir að hafa séð hvernig Clarkson hegðaði sér. „Hvernig er hægt að vera svona vondur? Bæði var þetta gróft og svo stóð þetta yfir í langan tíma,“ segir vitnið í samtali við The Telegraph. 

Dagblaðið greinir einnig frá því að Clarkson á sjálfur að hafa farið til yfirmanna sinna á BBC og tilkynnt um eigin hegðun, til þess að yfirmennirnir fréttu þetta ekki frá öðrum. 

Tengdar fréttir

Clarkson

Fyrsti Top Gear þátturinn sýndur 8. maí

• Top Gear-tríóið með nýjan þátt
• Kom að læstum dyrum hjá BBC
• „Sorgmæddur og miður sín“
• Clarkson sagði BBC hafa boðið sér að snúa aftur

» Fleiri tengdar fréttir

• Blogga um frétt