„Ég mun ekki staldra lengi við það sem gerðist, eða velta vöngum yfir því hvað gerist næst. Ég er viss um að ég er jafn leiður á þessu máli og þið,“ skrifar Jeremy Clarkson í föstum pistli í dagblaðinu The Sun í dag. Er þetta í fyrsta skiptið sem hann tjáir sig opinberlega eftir að honum var vikið tímabundið frá störfum sem þáttastjórnandi Top Gear.

Hann nýtir tækifærið og skýtur skotum á fjölmiðla með sínu vel þekkta skopskyni. Dagblaðið The Telegraph fullyrti í vikunni að Clarkson hafi í vikunni tekið strætisvagn um miðborg London. „Ég get fullvissað ykkur um að ástandið er slæmt, en ekki svo andskoti slæmt,“ skrifar Clarkson.

Stjórnandi hjá sjónvarpsstöðinni BBC hefur líkt stöðu Clarksons hjá stöðinni við stöðu barnaníðingsins Jimmy Savile á sínum tíma, en valdamiklir menn héldu hlífiskyldi yfir barnaníðingnum þrátt fyrir vísbendingar um hegðun hans. Segir þessi stjórnandi í samtali við The Telegraph að hátt settir vinir Clarksons sjái til þess að hann haldi vinnunni þrátt fyrir endurtekna, lélega hegðun hans. 

Áður hefur David Cameron, forsætisráðherra Bretlands, tjáð sig um Clarkson. Sagðist hann sorgmæddur yfir að Clarkson væri horfinn af skjánum og lýsir þáttastjórnandanum sem vini sínum og tryggum kjósanda. 

Tengdar fréttir

Clarkson

Fyrsti Top Gear þátturinn sýndur 8. maí

• Top Gear-tríóið með nýjan þátt
• Kom að læstum dyrum hjá BBC
• „Sorgmæddur og miður sín“
• Clarkson sagði BBC hafa boðið sér að snúa aftur

» Fleiri tengdar fréttir

• Blogga um frétt