Tónlistarmaðurinn Marilyn Manson var kýldur í andlitið á sunnudaginn á veitingastaðnum Denny's í Kanada. Manson sat að snæðingi ásamt förðunarfræðingi sínum klukkan tvö um nótt þegar árásarmaðurinn veittist að þeim og gaf förðunarfræðingnum olnbogaskot í andlitið og réðst svo á Manson.

Samkvæmt heimildum TMZ lenti förðunarfæðingur Mansons í rifrildi við kvenkyns viðskiptavin Denny's. Bráðlega blandaði Manson sér í málið og þá reiddist kærasti konunnar og gaf förðunarfræðingnum olnbogaskot og kýldi svo Manson í andlitið.

Talsmaður Manson telur þó að árásin hafi verið tilefnislaus. Hann segir að Manson hafi í raun og veru leyft konunni að taka mynd af sér en þá mun kærastinn hafa reiðst. Talsmaður Mansons sagði einnig að árásarmaðurinn hefði haft í hótunum við Manson eftir atvikið.

Lögregla var kölluð á staðinn en enginn var handtekinn. Talsmaður Mansons greindi að lokum frá því í viðtali við TMZ að bæði söngvarinn og förðunarfræðingurinn ætluðu að leggja fram kæru á hendur árásarmanninum.

Tengdar fréttir

Marilyn Manson

Opnar sig um allt ofbeldið

• Lögreglan kannar ásakanir á hendur Manson
• Sakar eiginkonu Mansons um að hóta sér
• Skuggahlið Mansons dregin fram
• Fór frá Manson vegna framhjáhalds og fíkniefnaneyslu

» Fleiri tengdar fréttir

• Blogga um frétt