Verið er að undirbúa brottför hunda í eigu leikarans Johnny Depp frá Ástralíu að sögn landbúnaðarráðherra Ástralíu, Barnaby Joyce, en Depp hafði komið með hundana með ólöglegum hætti inn í landið.
Joyce segir að hundarnir Boo og Pistol hefðu verið aflífaðir á morgun ef þeir væru enn í landinu. Joyce segir í samtali við BBC að verið sé að undirbúa flutning þeirra úr landi með einkaþotu í dag og segir hann að það sé það gáfulegasta sem hægt er að gera í stöðunni.
Hann óttast hins vegar að hundarnir séu landlausir þegar þeir yfirgefa Ástralíu þar sem Depp smyglaði þeim inn í landið frá Bandaríkjunum. Það sé alls óvíst að bandarísk yfirvöld vilji fá hundana inn í landið á nýjan leik.
Depp laumaði hundum til Ástralíu